متحدہ قومی موومنٹ (ایم کیو ایم) پاکستان نے انتخابی مہم اور علاقائی سطح پر منظم ہونے کے لیے ایک اور علاقے میں عوامی قوت دکھانے کا فیصلہ کیا ہے۔
ذرائع کے مطابق ایم کیو ایم پاکستان نے ملیر اور کورنگی کے بعد اب لیاقت آباد میں سیاسی پاور شو کرنے کا فیصلہ کیا ہے۔
ایم کیو ایم کی جانب سے ضلعی انتظامیہ کو لیاقت آباد میں 29 اکتوبر کو جلسے کی اجازت کیلیے درخواست بھی دی گئی جو منظور کرلی گئی ہے۔
واضح رہے کہ اس سے قبل ایم کیو ایم ملیر اور کورنگی میں عوامی اجتماعات کرچکی ہے اور متحدہ قیادت کا ماننا ہے کہ دونوں پروگراموں میں ہزاروں افراد نے شرکت کر کے اسے کامیاب بنایا ہے۔
متحدہ قومی موومنٹ کی جانب سے کراچی کے 26 ٹاؤنز میں جلسوں کے انعقاد کا فیصلہ کیا گیا ہے۔ جن میں سے دو ہوچکے جبکہ تیسرے کی تیاری ہے اور مزید 23 آنے والے دنوں میں ہوں گے۔
