عامر لیاقت کا تحریک انصاف میں شمولیت کا فیصلہ

کراچی: معروف مذہبی اسکالر اور اینکر پرسن ڈاکٹر عامر لیاقت نے تحریک انصاف میں شمولیت کا فیصلہ کرلیا۔

ذرائع کو ملنے والی اطلاعات کے مطابق کل عامر لیاقت چیئرمین تحریک انصاف کے ہمراہ کراچی یونیورسٹی کے وائس چیئرمین کی دعوت پر  کا دورہ کریں گے اور اُن سے ملاقات کریں گے۔

بعد ازاں عامر لیاقت اور عمران خان یوتھ کنونشن سے خطاب کریں گے اور پھر معروف مذہبی اسکالر تحریک انصاف میں شمولیت کا باضابطہ اعلان کریں گے۔

واضح رہے کہ آج کل عامر لیاقت بانی ایم کیو ایم کے خلاف جارحانہ انداز اپنائے ہوئے ہیں اور انہوں نے ایک سال قبل متحدہ میں بھی شمولیت کی تھی تاہم 22 اگست کے بعد انہوں نے سیاست سے علیحدگی کا فیصلہ کیا تھا۔

یہ بھی یاد رہے کہ عامر لیاقت تحریک انصاف پر الزام عائد کرچکے ہیں کہ اُن کے کارکنان نے اینکر پرسن کی والدہ اور اہلیہ کو تضحیک کا نشانہ بنایا تھا۔

اپنا تبصرہ بھیجیں: