نیشنل الیکٹرک پاور ریگولیٹری اتھارٹی نے شہریوں کو بجلی کے 440 واٹ کا جھٹکا دیتے ہوئے فی یونٹ قیمت میں مزید اضافے کا نوٹی فکیشن جاری کردیا۔
تفصیلات کے مطابق عید سے قبل پیٹرول کے بعد شہریوں کو بجلی کا زوردار جھٹکا دیتے ہوئے نیپرا نے کراچی سمیت ملک بھر کے لیے بجلی مہنگی کردی۔
نیپرا نے بجلی 2 روپے 75 پیسے فی یونٹ مہنگی کرنے کا نوٹیفکیشن جاری کردیا جس کے مطابق بجلی رواں مالی سال کی دوسری سہہ ماہی ایڈجسٹمنٹ کے مد میں مہنگی کی گئی ہے۔
صارفین سے اضافی وصولیاں اپریل، مئی اورجون میں کی جائیں گی، بجلی کی قیمت میں اضافے کا اطلاق کے الیکٹرک صارفین پر بھی ہوگا۔ اضافے کا صارفین پر 85 ارب 20 کروڑ روپے کا اضافی بوجھ پڑے گا۔
