سانحہ کرائسٹ چرچ کے تمام شہدا کا پوسٹ مارٹم مکمل ہوگیا، فائرنگ سے نشانہ بننے والوں میں سے 12 کی شناخت مکمل ہوگئی جن میں پاکستانی فیملی بھی شامل ہے۔
کیوی پولیس کے مطاب شہدا کی میتیں جلد لواحقین کے حوالے کی جائیں گی جبکہ اب تک 6 افراد کے جسد خاکی اُن کے لواحقین کے حوالے کردیے گئے۔
یاد رہے کہ گزشتہ جمعے یعنی 15مارچ کو نیوزی لینڈ میں نامعلوم مسلح شخص نے نماز جمعہ کی ادائیگی کے لیے مسجد میں موجود افراد پر اندھا دھند فائرنگ کردی تھی۔غیر ملکی خبررساں ایجنسی کے مطابق اس دہشتگرد حملے میں کم ازکم 50 افراد جاں بحق اور درجنوں افراد زخمی ہوگئے تھے۔
شہید ہونے والوں میں ماں، باپ، بیٹا سمیت 9 پاکستانی شامل ہیں جن میں سے دو کی میتیں پاکستان لائے جانے کا امکان ہے۔
