لاہور : پنجاب یونیورسٹی کی طالبات کا ڈیٹا ڈارک ویب پر فروخت کا ہوشربا انکشاف سامنے آیا ہے جس کی وجہ سے طالبات بہت زیادہ متاثر ہوئیں۔
اے آر وائی نیوز کے مطابق ہیکرزنےطالبات کاڈیٹا اسپائی ایپ سے ہیک کیا، ایف آئی اے سائبر کرائم نے ذمے داروں کے خلاف کارروائی کا آغازکردیا ہے۔
پنجاب یونیورسٹی کی طالبات کا ڈیٹا ڈارک ویب پرفروخت ہونے کو ملکی تاریخ کا سب سے بڑا ہیکنگ اسکیںڈل قرار دیا گیا ہے۔
ذرائع کے مطابق ہیکرز نے طالبات کا ڈیٹاہیک کرکے اب اسے فروخت کرناشروع کردیا، ہیک شدہ ڈیٹا میں طالبات کے نمبرز، تصاویر اور ویڈیوز شامل ہیں، متذکرہ ڈیٹا ڈیجیٹل کرنسی بٹ کوائنز میں فروخت ہورہا ہے۔
دوسری جانب پنجاب یونیورسٹی کے ترجمان نے تصدیق کرتے ہوئے کہا ہے کہ معاملےکی نوعیت کیلئےایف آئی اےکوخط لکھ دیا، ذمے داروں کےخلاف جلد کارروائی عمل میں لائی جائے گی۔ گزشتہ سال یہ بات سامنے آئی تھیں کہ پاکستان کے 22 بینکوں کے 19 ہزار 846 صارفین کے کارڈز کی معلومات بیچنے کی غرض سے ڈارک ویب پر ڈالی گئیں۔
