کراچی: ایم کیو ایم پاکستان کے رکن اسمبلی خواجہ اظہار الحسن نے گزشتہ روز سندھ ہائی کورٹ میں درخواست دائر کرئی جس میں مؤقف اختیار کیا گیا کہ دوسرے علاقے کے شہریوں کو کراچی کے ڈومیسائل اور پی آر سی جاری کرکے مقامی نوجوانوں سے نوکریوں کا حق چھینا جارہا ہے۔
درخواست دائر کرنے کے بعد میڈیا سے گفتگو کرتے ہوئے خواجہ اظہار کا کہنا تھا کہ ’’بہت اہم ترین درخواست کافی عرصے سے زیر التوا تھی، سندھ حکومت کو متنبہ کیا گیا تھا کہ نوکریوں کا عمل شفاف رکھیں مگر ایسا نہ ہوا، دو روز قبل پھر ملازمتوں کی مںظوری دی تئی، شہری علاقوں کے حقوق سلب کرنے کے خلاف درخواست دائر کی ہے‘‘۔
اُن کا کہنا تھا کہ ’’درخواست کسی ایک زبان بولیں والوں کے لئے نہیں بلکہ ہر قومیت کے نوجوانوں کی ترجمانی ہے، اندرونِ سندھ سے آنے والوں کو جعلی ڈومسیل پی آر سی بنا کر نوکری دی گئیں، درخواست میں عدالت کو تمام شواہد فراہم کیے، ایک دن میں ڈومیسائل ، دوسرے دن پی آر سی اور تیسرے روز ملازمت جوائن کرنے لا لیٹر تقسیم کیا جارہاہے۔
خواجہ اظہار کا کہنا تھا کہ ’’تمام ڈپٹی کمشنر کو خطوط لکھے مگر انہوں نے جواب نہیں دیا، نوکریوں کے میرٹ کا قتل عام بند کیا جائے، ہم یہ نہیں کہتے کہ نوکریاں صرف ایم کیو ایم کو دی جائیں، کراچی میں بسنے والے تمام لوگوں کو نوکریاں دی جائیں، میں لاڑکانہ میں بھی نوکریوں کا مخالف نہیں ہوں، نوکریاں خریدیں نہیں میرٹ پر نوکریاں حاصل کریں کیونکہ یہ شہریوں کا حق ہے، ملازمتوں کے نام پر پیسے مانگنے والوں کے خلاف شہری نیب میں درخواست دیں۔
