کراچی میں ہیٹ ویو کے ممکنہ خدشے کے پیش نظر بلدیہ عظمیٰ کراچی کے 13 اسپتالوں میں ایمرجنسی نافذ کردی گئی۔
بلدیہ عظمیٰ کراچی کی جانب سے جاری ہونے والے اعلامیے میں بتایا گیا ہے کہ کے ایم سی کے زیر اتنظام 13 سے زائد سرکاری اسپتالوں میں ہیٹ ویو الرٹ جاری کرتے ہوئے ڈاکٹرز اور ملازمین کی چھٹیاں فوری طور پر منسوخ کردی گئیں۔
دوسری جانب سندھ ہیلتھ ڈیپارٹمنٹ کے سینئر ڈائریکٹر ڈاکٹر بیریل نے اسپتالوں میں ایمرجنسی وارڈز قائم کرنے کی ہدایت دیتے تمام ڈاکٹرز کو ڈیوٹی پر حاضر رہنے اور ایمبولینس کی فراہمی کو یقینی بنانے کی ہدایت کی۔
یاد رہے کہ محکمہ موسمیات نے گزشتہ روز پیش گوئی کی تھی کہ شہر میں یکم مئی سے تین مئی تک سمندری ہوائیں نہیں چلیں گی گی اور مغربی و شمالی علاقوں کی گرم و خشک ہوائیں چلنے کا امکان ہے۔ ہیٹ ویو کے دوران دن کے اوقات میں درجہ حرارت 40سے 42ڈگری سینٹی گریڈ تک جانے کا امکان ہے۔
