کراچی یونیورسٹی کے وائس چانسلر اور ستاہ امتیاز حاصل کرنے والے ڈاکٹر اجمل حرکت قلب بند ہونے سے انتقال کرگئے۔ جامعہ کراچی کے ترجمان کے مطابق ڈاکٹر اجمل کو گزشتہ روز دل کی تکلیف ہوئی جس کے بعد انہیں فوری طور پر نجی اسپتال لے جایا گیا جہاں ڈاکٹرز نے انہیں بہترین طبی سہولیات فراہم کیں مگر وہ جانبر نہ ہوسکے اور خالقِ حقیقی سے جاملے۔
مرحوم کا نماز جنازہ بعد نماز عصر جامعہ مسجد ابراہیم اور تدفین جامعہ کراچی کے قبرستان میں کی جائے گی۔ ڈاکٹر اجمل شعبہ نباتات کے پروفیسر تھے اور انہیں 2017 میں جامعہ کراچی کا 17واں وائس چانسلر مقرر کیا گیا تھا، علمی اور تعلیمی میدان میں گراں قدر خدمات انجام دینے پر حکومت نے انہیں ستارہ امتیاز کے اعزاز سے بھی نوازا تھا۔
