پاکستان بھر میں کہیں بھی چاند نظر نہیں آیا مگر اس بار بھی جامعہ قاسم کو رمضان کی رویت کی 22 شہادتیں موصول ہوئیں۔
تفصیلات کے مطابق رویت ہلال کمیٹی کا کراچی سمیت ملک کے مختلف علاقوں میں اجلاس منعقد ہوا جس میں شہادتیں اکھٹی کی گئیں۔ مفتی منیب الرحمان نے بتایا کہ چاند کی کہیں سے کوئی شرعی شہادت موصول نہیں ہوئی اسی بنیاد پر پہلا روزہ 7 مئی کو ہوگا۔
مسجد قاسم علی خان مفتی پوپلزئ کی زیر صدارت اجلاس اختتام پزیر ہوا جس میں 22 شہادتوں کی بناء پر علماء کرام نے یہ فیصلہ کیا کہ کل مورخہ 6 مئ 2019 بروز پیر کو kpk میں پہلا روزہ ہوگا pic.twitter.com/sZYhCg6AzL
— Fazil Jamili (@faziljamili) May 5, 2019
دوسری جانب پشاور مسجد قاسم علی خان مفتی پوپلزئی کی زیر صدارت اجلاس اختتام پزیر ہوا جس میں 22 شہادتوں کی بناء پر یہ فیصلہ کیا گیا کہ کل مورخہ 6 مئ 2019 بروز پیر کو خیبرپختونخواہ کے مختلف اضلاع میں پہلا روزہ ہوگا۔
رمضان کے چاند کا تنازع شدت اختیار کرگیا، مفتی منیب اور فواد چوہدری آمنے سامنے
دوسری جانب جماعت المسلمین نے بھی کل پہلا روزہ رکھنے کا اعلان کردیا جبکہ ملک بھر میں بسنے والی بوہرہ کمیونٹی نے مصری کلینڈر کے حساب سے آج پہلا روزہ رکھا تھا۔
