ہر وقت نمبر ون رہنے کی جستجو میں عجیب و غریب حرکت کرنے والا میڈیا چینل ایک بار پھر تنازع کا شکار ہوگیا۔
معاملہ کچھ یوں ہوا کہ سما چینل کے مارننگ شو میں ویڈیو بلاگر ناصر خان جان کو بطور مہمان مدعو کیا گیا تھا، اُن سے میزبان عادل اور ساتھی اینکر نے ایسے سوالات کیے جو تضحیک کے زمرے میں آتے ہیں۔ مارننگ شو کا ایک ویڈیو کلپ سوشل میڈیا پر زیر گردش ہے جس میں میزبان ناصر خان جان کی تن سازی سے متعلق سوال کرتے ہیں اور اُن کی شرٹ اتار کر ویڈیو بنانے کی وجوہات بھی پوچھتے ہیں۔ ناصر خان جان نے کہا کہ : ’’جب باڈی بنائی ہے تو دکھاؤں گا بھی‘‘۔
مہمان کا جواب سُن کر میزبان کا رویہ کچھ عجیب لگا۔ جس پر سوشل میڈیا صارفین نے سماء کی انتظامیہ کو آڑے ہاتھوں لیا اور عادل سے مطالبہ کیا کہ وہ مذاق اڑاتے یا تضحیک کرنے پر فوری معافی مانگیں۔ سماء کے ڈیجیٹل ڈیپارٹمنٹ کے سابق انچارج عمر قریشی نے بھی ویڈیو ٹوئٹ کرتے ہوئے چینل کی انتظامیہ کو شدید تنقید کا نشانہ بنایا۔
اسی دوران عائشہ یوسف نامی صحافی خاتون میدان میں آئیں اور انہوں نے کلپ شیئر کرتے ہوئے لکھا کہ : ’تین ماہ قبل سماء چینل چھوڑنا میرے کیریئر کا بہترین فیصلہ ثابت ہوا، یہ واقعہ کوئی معمولی نہیں ہے‘‘۔
Leaving samaa just after 3 months was the best decision i made in my career …complete bullshit #SamaaTV #restinpeacemediaethics pic.twitter.com/xG9sNff7SY
— Aisha Yousaf (@AyeshaViews) May 7, 2019
دوسری جانب برطانوی نشریاتی ادارے کے نمائندے انڈیپنڈینٹ اردو کے نمائندے نے بھی ناصر خان جان سے رابطہ کیا اور اُن کا ویڈیو پیغام مداحوں کے ساتھ شیئر کیا۔ جس میں اُن کا کہنا تھا کہ ’’میں اپنے فیز کا ساتھ دینے پر شکر گزار ہوں، چینلز کو مہمان مدعو کرنے کے بعد اُن سے بہتر سوالات کریں، ہم انٹرٹیمنٹ کرتے ہیں اور اس سلسلے کو جاری رکھیں گے‘‘۔
I don't get it – the Samaa morning show host repeatedly tells the guest that what he does is vulgar, it's bad, it's not entertaining – ok – tau phir show pay bula kay be izzati kyun kartay ho – why give publicity to someone who you obviously disapprove of – terrible show pic.twitter.com/9JiPdUuy7g
— omar r quraishi (@omar_quraishi) May 7, 2019
