کراچی کے علاقے گلستان جوہر میں واقع بن ہاشم ڈیپارٹمنٹل اسٹور میں لگنے والی آگ کے بعد مکینوں کے فلیٹس متاثر ہوئے، مکینوں نے احتجاج کیا تو انہیں بلڈر کی جانب سے دھمکیاں دی گئیں۔
متاثرین کے مطابق آج بھی میں جوہر چورنگی پر احتجاج کیا جائے گا اور یہ سلسلہ اُس وقت تک جاری رہے گا جب تک بلڈرز مافیا اور بن ہاشم سپر مارٹ کے خلاف مقدمات درج نہیں ہوجاتے، سحری افطار سڑکوں پر کر رہے ہیں کوئی پرسان حال نہیں ہے، بلڈنگ کی پارکنگ میں سپر مارٹ بنادیا گیا تھا۔
متاثرین کے مطابق ایس بی سی اے کو درخواست دی کوئی کاروائی نہیں کی گئی، آگ کے باعث فرسٹ فلور مکمل طور پر تباہ ہوگئے دیواریں پھٹ گئیں، بلڈنگ کا پانی اور بجلی کا نظام مکمل تباہ ہوگیا، کسی بھی وقت کوئی بھی نا خوشگوار واقعہ رونما ہوسکتا ہے، متاثرین نے مطالبہ کیا کہ ہے کہ حکومت سندھ ہمارے نقصانات کا ازالہ کرے اور متاثرین کی مکمل مدد کی جائے۔
