اسلام آباد۔ جعلی اکاؤنٹس کیس میں ملوث مافیا کی جانب سے دھمکیاں دئے جانے کا انکشاف سامنے آیا ہے، ذرائع کے مطابق مافیا کی جانب سے کیس کی تفتیش کرنے والے نیب افسران کو دھمکیاں دی جانے لگیں۔
نیب افسران نے اعلی حکام کو دھمکیاں دینے کے حوالے سے آگاہ کر دیا، کیس کے گواہان کو بھی ہراساں کئے جانے کا انکشاف ہوا، کیس سے تعلق رکھنے والے گواہان کا نیب سے رابطہ کیا اور اپنے ساتھ پیش آنے والے واقعے سے آگاہ کیا۔
ذرائع کے مطابق ملزمان کی جانب سے جان سے مارنے کی دھمکیاں دی جا رہیں ہیں، متعدد گواہان کی زندگی کو خطرات لاحق ہیں۔خط میں اومنی گروپ کی جانب سے دھمکیاں دینے کا بھی ذکر ہے۔
نیب نے افسران اور گواہان کو دھمکیاں ملنے کے بعد حکومت سے فوری رابطے کا فیصلہ کیا، جس میں مطالبہ کیا گیا ہے کہ گواہان کو مکمل تحفظ دینے کے لئے حکومت کو خط لکھا جائے گا۔
