کراچی: ایم کیو ایم کی سابق رکن قومی اسمبلی ثمن جعفری کے والد طویل علالت کے بعد گزشتہ روز انتقال کرگئے۔
ثمن جعفری کے والد کے جنازے میں ایم کیو ایم رابطہ کمیٹی اور اراکین قومی و صوبائی اسمبلی سمیت بلدیاتی نمائندگان نے بڑی تعداد میں شرکت کی، ڈپٹی کنونیئر عامر خان نے خصوصی شرکت کی اور مرحوم کی مغفرت و بلنددرجات کے لیے دعا بھی کی،
یاد رہے کہ ثمن جعفری ایک دور میں متحرک کردار ادا کرتی رہی ہیں اور 22 اگست کے بعد انہوں نے ایم کیو ایم پاکستان کا ساتھ دینے کا فیصلہ کیا، انہوں نے اپنے دور میں اسمبلی میں متوسط طبقے کی خواتین کے لیے آواز بھی بلند کی۔
