پاکستان کرکٹ بورڈ نے اب سے کچھ دیر قبل سرفراز احمد سے تینوں فارمیٹ کی قیادت واپس لے کر ٹیسٹ کا کپتان اظہر علی، ٹی ٹوئنٹی بابر اعظم کو منتخب کیا۔ پی سی بی نے فی الحال ون ڈے کپتان کے نام کا اعلان نہیں کیا البتہ عماد وسیم اور محمد حفیظ کو بہترین قرار دیا جارہا ہے۔
پی سی بی کے اعلان کے بعد آفیشل اکاؤنٹ سے ایک ویڈیو ٹویٹ کی گئی جس میں کھلاڑی جشن منارہے تھے اور ایک پریکٹس کرنے والا کھلاڑی سرفراز کو گراؤنڈ سے باہر جانے کا اشارہ کررہا تھا۔جیونیوز کے مطابق پی سی بی نے اس معاملے کی وضاحت پیش کی اور کہا کہ ویڈیو سابق کپتان کی دل آزاری کے لیے نہیں بلکہ ایک خاص مقصد کے لیے شیئر کی گئی۔
وہ خاص مقصد پی سی بی ترجمان نے کچھ یوں بیان کیا کہ ’ایک سال بعد ٹی ٹوئنٹی ورلڈکپ کا آغاز ہوگا جس کے لیے ٹکٹوں کی فروخت آج سے شروع ہوئی ہے، اسی حوالے سے تمام کرکٹ بورڈز نے ویڈیو جاری کرنے کا فیصلہ کیا تھا البتہ پی سی بی کی جانب سے ویڈیو کی شیئرنگ اور سرفراز کو کپتانی سے ہٹائے جانے کے ٹائمنگ میچ ہونے سے غلط تاثر پیدا ہوا‘۔
@TheRealPCB celebrations right at the very moment when @SarfarazA_54 was being sacked, how ironically this tweet was curated as per the situation by the board itself and PCB recently banned a reporter for calling out Saffy “badduaein dey rahey hai log” indeed a food for thought. https://t.co/rJCuYHOGRe pic.twitter.com/DcpHIdZE3d
— Sawera Pasha (@sawerapasha) October 18, 2019
