کراچی: وفاقی وزیر برائے آبی وسائل فیصل واوڈا کی تعلیمی اسناد مشکوک ، ٹیکس ادائیگی جھوٹ نکلی جبکہ سابق اہلیہ نے مبینہ نکاح نامے کو بھی جھوٹا قرار دے دیا۔ دی نیوز اخبار کی رپورٹ میں انکشاف کیا گیا ہے کہ رہنما تحریک انصاف فیصل واؤڈا نے انتخابات لڑتے وقت نہ صرف اپنی امریکی شہریت چھپائی بلکہ ان کی تعلیمی اسناد بھی مشکوک ہیں۔
رپورٹ میں بتایا گیا ہے کہ فیصل واوڈا کی مبینہ سابق اہلیہ نے جعلی نکاح نامہ تیار کرنے کے الزامات عائد بھی کئے۔ بتایا گیا ہے کہ وفاقی وزیر کی تعلمی اسناد کے حوالے سے دعووں میں بھی تضاد پائے جاتے ہیں۔ ایک مقدے میں انہوں نےد عویٰ کیا کہ انہوں نے یونیورسٹی آف نیوپورٹ امریکا سے بیچلر کیا، مگر الیکشن کے لئے دی گئی کاغذات نامزدگی ظاہر کرتی ہے کہ انہوں نے بی کام کر رکھا ہے۔
رپورٹ میں بتایا گیا ہے کہ فیصل واوڈا ٹیکس ادائیگی کے حوالے سے بھی دعویٰ کر چکے ہیں کہ انہوں نے 5.16 ملین ٹیکس دیا تاہم فیڈرل ریونیو بیورو کے آن لائن ڈیٹا میں ایسا کوئی ریکارڈ موجود نہیں ہے۔ فیصل واوڈا نے سابق اہلیہ کے ساتھ نکاح فسخ ہونے کا سرٹیفکیٹ بھی پیش کردیا۔ اہلیہ کے ساتھ ہونے والے نکاح کو عدالت میں پیش کرتے ہوئے موقف اختیار کیا کہ شادی کے چند ماہ بعد ہی بیوی سابقہ شوہر سے جا ملی۔
فیصل واوڈا اور ان کی سابق اہلیہ کے ساتھ خلع نامے کا بھی کوئی ریکارڈٖ موجود نہیں ہے۔ جس پر ان کی سابق اہلیہ نے الزام عائد کرتے ہوئے کہا کہ فیصل واوڈا نے جعلی نکاح نامہ تیار کیا۔ قبل ازیں سینئر صحافی فخر درانی لندن میں فیصل واوڈا کی خفیہ جائیدادیں منظرعام پرلے آئے، سماجی رابطے کی ویب سائٹ ٹوئٹر پراپنے ٹویٹ میں صحافی فخر درانی کا کہنا ہے کہ آئیےآج آپ کو لندن کےقیمتی اور پوش علاقوں کی سیر کراتے ہیں۔
آئیےآج آپ کو لندن کےقیمتی اور پوش علاقوں کی سیر کراتے ہیں۔ان علاقوں میں فیصل واوڈا کی کون کونسی خفیہ جائیدادیں تھی جسکا اسکےپاس منی ٹریل نہیں۔آئیےآپ کووہ پراپرٹیز دکھائیں۔اقاموں اورمعمولی موضوعات پر پروگرام کرنے والےاس پر کب پروگرام کریں گے؟
نوٹ ان سب پراپرٹیز کےکاغذات موجود ہیں۔ pic.twitter.com/czyLgZUVv1— Fakhar Durrani (@FrehmanD) February 1, 2020
دوسری جانب اسلام آباد ہائی کورٹ میں دائر فیصلہ واؤڈا کے خلاف درخواست کی سماعت آج ہونا تھی مگر ایسا نہ ہوسکا اور پیش کار نے اگلی تاریخ دے دی۔
اسلام آباد ہائیکورٹ نے میاں فیصل ایڈووکیٹ کی درخواست پر فیصل وواڈا اور الیکشن کمیشن کونوٹس جاری کیا تھا اور عدالت نے گزشتہ سماعت پر فریقین کو پیر 24 فروری تک تحریری جواب جمع کرانے کی ہدایت کی تھی۔
