تحریک انصاف کے صدر سمیت اہم ذمہ داران کی ایم کیو ایم میں شمولیت
تحریک انصاف حیدرآباد کے اہم ذمہ داران اور عہدیداران نے ایم کیو ایم پاکستان میں شمولیت اختیار کرلی۔
ذرائع نیوز کو ملنے والی اطلاع کے مطابق حیدرآباد کے علاقے لطیف آباد میں تحریک انصاف کے صدر علیم مرزا نے ایم کیو ایم کی قیادت سے ملاقات کی اور اپنے ساتھیوں سمیت شمولیت کا اعلان کیا۔
رپورٹ کے مطابق علیم مرزا کے ساتھ سینئر نائب صدر شرافت علی سمیت دیگر اہم عہدیداران نے بھی تحریک انصاف کو خیرباد کہہ کر ایم کیو ایم کے ساتھ جدوجہد جاری رکھنے کا اعلان کیا۔ قبل ازیں تحریک انصاف کے صدور کی حیدرآباد ڈسٹرکٹ آفس میں انچارج سندھ تنظیمی کمیٹی ، انجارج و اراکین کمیٹی حیدرآباد سے بھی ملاقات ہوئی۔
مذکورہ صدور ایم کیو ایم چھوڑ کر تحریک انصاف میں شامل ہوئے تھے اور اب وہ دوبارہ ایم کیو ایم پاکستان میں شامل ہوگئے ہیں۔
