اسلام آباد : اقتصادی رابطہ کمیٹی نے بجلی کے بڑے صارفین سے 76 ارب روپے کے بقایاجات کی وصولی کی منظوری دی گئی، بڑے صارفین پر ایک روپے فی یونٹ اضافی سرچارج عائد کرنے کی منظوری،اضافی چارج کا اطلاق کےالیکٹرک صارفین پر بھی ہوگا۔
وزیرخزانہ اسحاق ڈار کی زیرصدارت اقتصادی رابطہ کمیٹی کا اجلاس ہوا، اجلاس میں بجلی کے بڑے صارفین سے 76 ارب روپے کے بقایاجات کی وصولی کی منظوری دی گئی۔
یہ رقم مارچ سے جون 2023 تک 6 ماہ میں وصول کی جائے گی۔ 300 یونٹ تک کے گھریلو صارفین کو استثنا حاصل ہوگا۔
نجی شعبے کے زرعی صارفین کو استثنا حاصل ہوگا۔ بڑے صارفین پر ایک روپے فی یونٹ اضافی سرچارج عائد کرنے کی منظوری دی گئی ہے۔ اضافی چارج کا اطلاق کےالیکٹرک صارفین پر بھی ہوگا۔
