بیجنگ:وزیراعظم عمران خان کی ورلڈبینک کی سی ای اوسےملاقات ہوئی جس میں معاشی پروگرام سے متعلق بات چیت ہوئی۔
وزیراعظم نے پاکستان کے اقتصادی معاملات سے آگاہ کیا جبکہ دورۂ چین سے بھی آگاہ کیا، ورلڈ بینک کی چیف ایگزیکٹیو آفیسر سے ملاقات دورہ چین کی سائیڈلائن ملاقاتوں کاحصہ ہے۔ اس موقع پر مشیر خزانہ عبدالحفیظ شیخ، مشیر تجارت رزاق داؤد اور وزیر خارجہ شاہ محمود قریشی سے بھی تھے۔
عمران خان نے سی ای او ورلڈ بینک کو حکومت کی نئی معاشی پالیسیوں سے آگاہ کیا گیا جس کے بعد پاکستان کو 6 سے 8 ارب ڈالر قرض ملنے کا امکان ہے۔
بعد از ملاقات مشترکہ اعلامیہ جاری کیا گیا جس میں کہا گیا کہ سی ای او ورلڈ بینک کا پاکستان کے ساتھ تعاون مزید مضبوط بنانے کا وعدہ کیا، ملاقات بیلٹ اینڈ روڈ فورم کے موقع پر ہوئی، خطے میں اقتصادی استحکام کے لیے ورلڈ بینک نے پاکستان کے اقدامات کی تعریف کی۔
وزیراعظم عمران خان نے کہا کہ غربت میں خاتمے، روزگار کی فراہمی اور کاروبار میں آسانی کے لئے ورلڈ بینک کا کردار قابل تعریف ہے، وزیراعظم نے سماجی فلاح و بہبود کے حکومتی پروگرامز سے بھی آگاہ کیا، سی ای او ورلڈ بینک کو سماجی ترقی کے نئے پروگرام احساس کا بھی بتایا گیا، سی ای او ورلڈ بینک کا پاکستان کے ساتھ تعاون مزید مضبوط بنانے کا وعدہ کیا اور فنڈز کی فراہمی جاری رکھنے کے عزم کا اظہار کیا۔
