اسلام آباد: ایم کیو ایم پاکستان کے اراکین اسمبلی نے پیپلزپارٹی کی جانب سے زرداری کے پروڈکشن آرڈر کی حمایت کر دی، اس ضمن میں امین الحق نے اسمبلی میں اظہار خیال کرتے ہوئے فواد چوہدری کے جھوٹ پر سے بھی پردہ ہٹا دیا۔
تفصیلات کے مطابق ایم کیو ایم کے وفد کی قومی اسمبلی کے ایوان میں بلاول بھٹو زرداری سے ملاقات ہوئی جس میں اراکین نے اپنی مکمل حمایت کی یقین دہانی کرائی۔
اسمبلی اجلاس میں فواد چوہدری کی تقریر کے بعد رکن قومی اسمبلی امین الحق نے وفاقی وزیر برائے سائنس اینڈ ٹیکنالوجی کے جھوٹ کا پردہ بے نقاب کرتے ہوئے بتایا کہ ’’اسپیکر ایاز صادق کے دور میں ایم کیو ایم کے رکن قومی اسمبلی کنور نوید کو حراست میں لیا گیا‘‘۔
ہر پاکستانی سیاست دان جانتا ہے کہ پاکستان کی آخری امید بلاول بھٹو زرداری ہے اسکی واضع مثال
آج ایم کیو ایم'جو حکومتی اتحادی جماعت ہے'کی اسمبلی سیشن کے دوران چئیرمین @BBhuttoZardari سے ملاقات اور انکے ہر بات کی تاہید اور انکو بجٹ اور پروڈکشن آرڈر پر مکمل سپورٹ کی یقین دہانی ہے pic.twitter.com/DUfFgfTyB3— Meer Haseeb Gorgage (@HaseebGorgage) June 17, 2019
انہوں نے بتایا کہ ایاز صادق کے پاس نامعلوم کالز بھی آئیں کہ پروڈکشن آرڈر جاری نہ کیے جائیں البتہ انہوں نے کسی کو بھی خاطر میں نہ لاتے ہوئے کنور نوید کو اجلاس میں طلب کیا۔ امین الحق نے بتایا کہ ایم کیو ایم زرداری صاحب کے پروڈکشن آرڈر کی تین وجوہات کی بنیاد پر حمایت کرتی ہے۔
