کراچی : معروف صحافی اور کراچی پریس کلب کے سینئر رکن انیل دتا 70 برس کی عمر میں جہانِ فانی سے کوچ کر گئے، اُن کا شمار ایک نہایت نرم مزاج پر خلوص انسان دوست میں ہوتا تھا جبکہ وہ انگریزی صحافت کا ایک بڑا نام تھے۔
مرحوم نے مو¾ قر انگلش روزناموں ڈان‘ دی نیوز‘ بزنس ریکارڈر‘ پاکستان گلف اکنامسٹ میں خدمات انجام دیں۔
انہوں نے تمام عمر شادی نہیں کی اور صحافت اور کراچی پریس کلب کو اپنا اوڑھنا بچھونا بنا رکھا تھا، گزشتہ چند روز سے ان کی طبعیت ناساز تھی مگر اس کے باوجود کلب آنا جانا نہ چھوڑا تاہم وہ جمعے کی سہ پہر پریس کلب میں ہی موجود تھے جب اُن کی طبیعت اچانک خراب ہوئی اور وہ بے ہوس ہوگئے۔
انہیں اسپتال منتقل کیا گیا مگر وہ جانبر نہ ہوسکے۔ مرحوم کے اہل خانہ بیرون ملک مقیم ہیں جنہیں انتقال کی اطلاع کردی گئی ہے۔ تدفین ممکنہ طور پر اتوار کو ہوگی۔
کراچی یونین آف جرنلسٹس کے صدراشرف خان اور سیکریٹری احمد ملک نے انیل دتا کے انتقال کو صحافیوں کا عظیم سانحہ قرار دیتے ہوئے کہا ہے کہ مرحوم کی وطن پرستی کا یہ عالم تھا کہ انہوں نے پاکستان کو خیرباد کہہ کر امریکہ جانے سے انکار کردیا تھا جہاں برسوں سے ان کا خاندان آباد ہے۔
