راولپنڈی: پاک فوج کےشعبہ تعلقاتِ عامہ (آئی ایس پی آر) کے ڈائریکٹر جنرل میجر جنرل آصف غفور نے پاکستان اور افغانستان کی کرکٹ ٹیموں کے درمیان پیش آنے والے واقعے پر خاموشی توڑ دی۔
سماجی رابطے کی ویب سائٹ پر اپنے ذاتی اکاؤنٹ سے ویڈیو ٹویٹ کرتے ہوئے آصف غفور نے لکھا کہ ’’کرکٹ میچ کے دوران پاکستانی شائقین پر حملے کرنے والوں کو کچھ خاص لوگوں کی پشت پناہی حاصل تھی‘‘۔
اُن کا کہنا تھا کہ کھیل کی گہما گہمی اور گرمی کے باوجود بہروپیے اسٹیڈیم میں اور باہر آئے، انہوں نے جو رویہ اپنایا وہ کھیل کا حصہ نہیں، آصف غفور نے ایک افغان نوجوان کی ویڈیو شیئر کی جو نشے میں دھت اور شدید غصے میں نظر آرہا ہے۔
آصف غفور نے دعویٰ کیا کہ جن خاص لوگوں کی مدد سے حملے کیے گئے ہمیں اُن کے بارے میں علم ہے، ہم پاکستانی اپنی اقدار سے جڑے اور اسٹیڈیم میں بھی اسی رویے کا مظاہرہ کیا۔
Notwithstanding heat of the game, displayed attitude in and outside stadium by few including support from some ‘known’ people in disguise wasn’t sportsmanship.
Yet, we Pakistanis stood by our ethos and that’s how Pakistanis behaved inside stadium. #PakistanZindabad pic.twitter.com/o552Nw9V13
— Asif Ghafoor (@peaceforchange) June 29, 2019
