سپریم کورٹ آف پاکستان کے ایڈوکیٹ نے غار حرا پر پیسے مانگنے والے بھکاری کی ویڈیو شیئر کی ہے، ان گدا گروں میں سے بیشتر پاکستانی ہیں۔
اظہر صدیق نے غار حرا پر بنائی گئی ویڈیو شیئر کی جس میں مختلف مقامات پر فقیروں کو پیسے مانگتا دیکھا جاسکتا ہے۔ فقیروں نے غار حرا جانے اور آنے والے راستوں پر ڈیرے ڈال لیے ہیں اور وہ آتے جاتے لوگوں سے فریاد کرتے ہیں۔
*غار حرا کو جانے والے راستے پر بھکاریوں کی بھر مار—-تعلق کس ملک سے؟* pic.twitter.com/FxTz1m1G62
— M Azhar Siddique (@AzharSiddique) November 1, 2023
واضح رہے کہ عمرہ زائرین غار حرا جیسے مقدس مقام کی زیارت لازمی کرتے ہیں، یہ وہ مقام ہیں جہاں اللہ کے نبی صلی اللہ علیہ والہ وسلم نے اپنا بیشتر وقت تنہا گزارا جبکہ پہلی وحی بھی یہی نازل ہوئی تھی۔
یہ بھی یاد رہے کہ گزشتہ دنوں ایف آئی اے نے متعدد پروازوں سے سعودی عرب اور بیرون ملک جانے والے گروپوں کو گرفتار کیا ہے، جو سعودی عرب سمیت دیگر ممالک صرف بھیک مانگنے کیلے جارہے تھے۔ جبکہ اس سے قبل قائمہ کمیٹی برائے سینیٹ میں یہ انکشاف بھی ہوا تھا کہ سعودی عرب میں بھینک مانگنے والوں میں بڑی تعداد پاکستانیوں کی ہے۔
