کراچی: سندھ پولیس میں موجود کالی بھیڑوں نے ایک اور بے گناہ شہری پر تشدد کا نشانہ بنا دیا۔
تفصیلات کے مطابق سائٹ کے علاقے شیرشاہ میں موٹرسائیکل پر کھڑے پولیس اہلکاروں نے رکشہ روک کر مسافروں کی تلاشی لی اور ان سے رشوت طلب کرنے کے لیے ڈرانے دھمکانے لگے۔
شہریوں نے جب رشوت (بھتہ) دینے سے انکار کیا تو انہوں نے شہریوں کو تشدد کا نشانہ بنایا اسی دوران جائے وقوعہ پر کھڑے شہری نے ویڈیو بنائی جس پر پولیس اہلکار نے اُس پر سرکاری گن تان دی۔
پولیس کی جانب سے شہریوں کو بےجا تنگ کرنا اور اُن سے رشوت طلب کرنا معمول کی بات ہے تاہم اعلیٰ افسران اس بات کا نوٹس لے کر ایسے اہلکاروں کے خلاف کارروائی دیکھنے میں آتی ہے اور انہیں پولیس قانون کے مطابق معطل کیا جاتا ہے۔
