ایم کیو ایم پاکستان کی قیادت مشکل میں، کارکنان سوال کرنے لگے، عامر خان کا اعتراف

کراچی: ایم کیو ایم پاکستان کے سینئر ڈپٹی کنونیئر عامر خان نے اعتراف کیا ہے کہ اب کارکنان سوال کرنے لگے ہیں، اس لیے ہمیں بھی سوچنا پڑ رہا ہے۔

نجی ٹی وی سے گفتگو کرتے ہوئے ایک سوال کے جواب میں عامر خان کا کہنا تھا کہ حکومت نے بجٹ میں کراچی کے لیے رقم کا اعلان کیا مگر وہ ابھی تک بلدیاتی اداروں کو نہیں ملی، کراچی اور حیدرآباد مسائل کا گڑھ بن چکا اور حکومت کوئی توجہ نہیں دے رہی۔

اُن کا کہنا تھا کہ تحریک انصاف کے کراچی سے متنخب ہونے والے اراکین بھی پریشان ہیں کیونکہ وہ بھی سمجھتے ہیں کہ حکومت نے شہر کے لیے کوئی کام نہیں کیا، آج شہر میں سیوریج کا نظام تباہ ہوگیا، کتے کے کاٹنے کی ویکسین نہیں، مختلف امراض پھوٹ پڑے مگر کسی نے کوئی توجہ نہیں دی۔

عامر خان کا کہنا تھا کہ ہمیں اب اپنے ووٹرز اور کارکنان کو جواب دینا مشکل ہوگیا، وہ ہم سے سوال کرتے ہیں، اگر یہی رویہ رہا تو ممکن ہے آئندہ بجٹ تک کچھ سوچا جائے کیونکہ بطور اتحادی ہم نے ہر چیز کی نشاندہی کردی مگر حکومت نے سوائے زبانی کلامی جمع خرچ کے کچھ نہ کیا، حتیٰ کہ ہمارے تحریری معاہدے پر بھی مکمل عمل درآمد نہیں ہوسکا۔

دوسری جانب ایم کیو ایم کے کنوینر اور رکن قومی اسمبلی خالد مقبول صدیقی نے کہا ہے کہ ایم کیو ایم ہر مشکل میں حکومت کے ساتھ کھڑی ہے ، نواز شریف کو علاج کیلئے باہر جانے کی اجازت دینے کے طریقے میں اختلاف ہوسکتا ہے ۔

#MQMPKOfficial Senior Deputy Convener Amir Khan Bhai At Sawal With Amber Shamsi On Samaa News.

#MQMPKOfficial Senior Deputy Convener Amir Khan Bhai At Sawal With Amber Shamsi On Samaa News.

Posted by ALLABOUTMQM.ORG on Sunday, November 17, 2019

اپنا تبصرہ بھیجیں: