کراچی کے رپورٹر اجرتی قاتلوں سے رابطوں میں ہیں، انکشاف
کراچی： انسداد دہشت گردی فورس (کاؤنٹر ٹیررازم ڈیپارٹمنٹ) کے سربراہ راجہ عمر خطاب نے تہلکہ خیز انکشاف کردیا۔
ہم نیوز کے صحافی عارفین سید کو دیے گئے انٹرویو میں راجہ عمر خطاب کا کہنا تھا کہ کچھ چینلز، اخبارات کے کرائم رپوٹرز اجرتی قاتلوں اور ٹارگٹ کلر سے رابطوں میں ہے۔
انہوں نے بتایا کہ حال ہی میں گرفتار ہونے والے ٹارگٹ کلر کے موبائل سے صحافیوں کے رابطوں کا انکشاف ہوا جس میں وہ ملزمان کو اہنے کام دے ریے تھے اور نہ ہونے کی صورت میں بلیک میل کررہے تھے۔
دوسری جانب کرائم رپورٹر ایسوسی ایشن کے سربراہ سمیر قریشی نے راجہ عمر خطاب کے بیان کا نوٹس لیتے ہوئے تین رکنی تحقیقاتی کمیٹی تشکیل دے گی۔
سی آر اے ترجمان نے بتایا کہ کمیٹی کے اراکین سی ٹی ڈی چیف سے ملاقات کریں گے، جو رپورٹرز ملوث پائے گئے ان کی تاحیات رکنیت معطل کردی جائے گی۔
