لڑکے سے بدفعلی، تحریک انصاف کا مقامی رہنما گرفتار
کراچی ( کرائم رپورٹر ) پی ٹی آئی کورنگی کے ایم پی اے نے اپنے ہی کارکن کے خلاف سخت ایکشن لیتے ہوئے جرائم پیشہ سرگرمیوں میں ملوث کارکن کو خود پکڑ کر پولیس کے حوالے کر دیا گیا، پولیس نے پندرہ سالہ بچے کی ساتھ بدفعلی کے الزام میں مقدمہ درج کرکے تفتیش شرو ع کردی۔ تفصیلات کے مطابق پی ٹی آئی کے رکن اسمبلی راجہ اظہر نے علاقہ مکینوں کی شکایت پر اپنی پارٹی کے کارکن عبداللہ سیال کو پکڑ کر پولیس کے حوالے کردیا اور اسکی پارٹی سے رکنیت بھی معطل کرادی گئی، ایس ایچ او اعظم راجپر نے بتایا کہ گرفتار ملزم پر الزام عائد ہے کہ اس نے پندہ سالہ بچے فرحان علی کو قیوم آباد میں زیادتی کانشانہ بنایا اور اسکی ویڈیو بھی بنائی جس کے بعدسے ملزم بلیک میلنگ بھی کرتا رہا تھا ، پولیس کا کہنا تھا کہ علاقہ مکینوں نے ملزم کو پکڑا اور برہنہ کرکے تشدد کا نشانہ بھی بنایا ،پولیس کا کہنا ہے کہ ملزم اہم سیاسی شخصیات کے ساتھ اپنی تصویر بنوا کر لوگوں کو ڈراتاتھا کرتا تھا، ملزم محمد عبداللہ بچوں کی فحاشی ویڈیوزبناکرانہیں بلیک میل بھی کرتارہا ہے ، ایم پی اےراجااظہرنے عبداللہ سیال کوپولیس کے حوالے کردیا ،راجہ اظہر کا کہنا تھا کہ پارٹی میں جرائم پیشہ کی کوئی جگہ نہیں اگر کوئی نشاندہی کرے گاتو اس پر کارروائی لازم ہوگی بھلے وہ کسی بھی پارٹی کا ہوں ، تاہم پولیس نے وقار حسین شاہ کی مدعیت میںمقدمہ الزام نمبر 520/21درج کرلیا ، متاثرہ بچے اور ملزم کو اسپتال منتقل کرکے میڈیکل کرایا جارہا ہے۔
