Notice: Function _load_textdomain_just_in_time was called incorrectly. Translation loading for the wordpress-seo domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/zarayeco/public_html/wp-includes/functions.php on line 6114
سینئرصحافی منورعالم واقعہ، کےیوجےکااظہارتشویش |

سینئرصحافی منورعالم واقعہ، کےیوجےکااظہارتشویش

کے یو جے کا سینئر صحافی منور عالم کے ساتھ پیش انے والے واقعے پر اظہار تشویش

دن دہاڑے مصروف شاہراہ سے صحافی کے اغوا کی کوشش امن و امان پر سوالیہ نشان ہے، صدر شاہد اقبال

واقعے کی مکمل تحقیقات کرکے رپورٹ جرنلسٹس پروٹیکشن کمیشن کے پہلے اجلاس میں پیش کی جائے، جنرل سیکریٹری فہیم صدیقی

کراچی۔۔۔۔۔۔۔۔کراچی یونین آف جرنلسٹس نے سینئر صحافی اور کے یو جیی کے رکن منورعالم کے ساتھ پیش آنے والے واقعے پر تشویش کا اظہار کیا ہے اور سندھ حکومت سے مطالبہ کیا ہے کہ اس کی مکمل تحقیقات کرکے اس کی رپورٹ سندھ جرنلسٹس پروٹیکشن کمیشن میں پیش کی جائے۔

کے یو جے کے صدر شاہد اقبال اور جنرل سیکریٹری فہیم صدیقی سمیت مجلس عاملہ کے تمام اراکین کی جانب سے جاری ایک بیان میں کہا گیا ہے کہ سینئر صحافی منور عالم شاہراہ فیصل پر سفر کررہے تھے کہ انہیں عقب سے آنے والی ایک کار نے پہلے پیچھے سے ٹکر ماری اور جب وہ رک گئے تو کار میں شخص نے انہیں زبردستی اپنی کار میں ڈالنے کی کوشش کی تاہم منور عالم کی مزاحمت اور لوگوں کے جمع ہوجانے کی وجہ سے وہ ایسا کرنے میں ناکام رہا اور موقع سے فرار ہوگیا۔

کے یو جے کی جانب سے جاری بیان میں کہا گیا ہے کہ دن دہاڑے شہر کی مصروف ترین شاہراہ سے ایک سینئر صحافی کے اغوا کی کوشش شہر میں امن و امان کی صورتحال پر سوالیہ نشان ہے۔ سندھ حکومت فوری طور پر اس واقعے کا نوٹس لے اور ذمے داروں کا تعین کرے۔ بیان میں کہا گیا ہے کہ جب تک جرنلسٹس پروٹیکشن کمیشن کام شروع نہیں کردیتا صحافیوں کے خلاف واقعات کا تسلسل یونہی رہے گا

۔ ایسے واقعات کو روکنے کا ایک ہی طریقہ ہے کہ کسی ایک واقعے کو مثال بنادیا جائے اور اس میں ملوث افراد کو قانون کے مطابق کڑی سے کڑی سزا دی جائے اور اس کے لیے سندھ جرنلسٹس اینڈ ادر میڈیا پریکٹیشنرز پروٹیکشن ایکٹ کے تحت کمیشن کا فعال بنانا ہوگا۔ بیان میں حکومت سے ایک مرتبہ پھر مطالبہ کیا گیا ہے کہ منور عالم کے ساتھ پیش آنے والے واقعے کی تحقیقات کرکے اس کی رپورٹ سندھ جرنلسٹس پروٹیکشن کمیشن کے پہلے اجلاس میں پیش کی جائے