کراچی: گورنرسندھ کامران خان ٹیسوری نے پیپرمارکیٹ کادورہ کیا ،دکانداروں اور خریداروں سےمصافحہ اور ان کی خیریت دریافت کی۔
گورنرسندھ نے زیرتعمیر مین ہول کامعائنہ کرتے ہوئے اس میں اترگئے اورکام کرنے والے مزدور سے اس کی خیریت دریافت کی،انتہائی مشقت کے کام پر اسے شاباشی بھی دی۔
گورنرسندھ نےمارکیٹ میں جاری تعمیراتی کام کاجائزہ لیا ۔ متعلقہ حکام نے گورنرسندھ کو جاری کام پر بریفنگ دیتے ہوئے بتایا کہ مارکیٹ میں 400دکانیں ہیں جہاں پر ہر وقت رش رہتاہے ،اس وقت 7 مین ہولز کی تعمیر مکمل ہو چکی ایک مین ہول پر کام جاری ہے ۔
انہوں نےمارکیٹ میں صفائی ستھرائی کا بھی جائزہ لیا۔ اس موقع پر گورنرسندھ نے کہا کہ قدیم مارکیٹ ہماری شاندار تاریخ ہے ،اس مارکیٹ کو ہر صورت محفوظ بنایا جائے ۔
گورنرسندھ نے ایڈمنسٹریٹر کراچی کو ہدایت دی کہ مارکیٹ کی سڑک کو دوبارہ تعمیر کرائیں۔
