کراچی :الیکشن کمیشن نے بلدیہ عظمیٰ کراچی کو ٹرانسفر پوسٹنگ سے روک دیا ہے،بلدیہ عظمیٰ کراچی کوارسال کیے گئے خط میں کہا گیاہے کہ سندھ میں بلدیاتی انتخابات کے دوسرے مرحلے کے شیڈول کا اعلان ہو چکا ہے جس کے بعد بلدیاتی انتخابات کے انعقاد تک ٹرانسفر پوسٹنگ نہیں کی جا سکتی۔
الیکشن کمیشن کا کہنا ہے کہ 14 دسمبر کو بلدیہ عظمیٰ نے چار افسران کے ٹرانسفر پوسٹنگ کی، ٹرانسفر ہونے والوں میں 19 گریڈ کے تین اور 18 گریڈ کا ایک افسر شامل ہے۔خط کے متن میں کہا گیا ہے کہ چاروں افسران کی ٹرانسفر پوسٹنگ خلاف ضابطہ قرار دی جاتی ہے، بلدیاتی انتخابات کا دوسرا مرحلہ مکمل ہونے تک ٹرانسفر پوسٹنگ روکی جائے۔
الیکشن کمیشن نے محکمہ تعلیم سندھ کوبھی ٹرانسفر پوسٹنگ سے روک دیا ہے۔
