لاہور: اسپیکر پنجاب اسمبلی سبطین خان کا کہنا ہے کہ اگر ہمارے تین چار کے ضمیر جگائے تو ان کے بھی تین چار کے ضمیر جاگیں گے۔
ایک انٹرویو میں گفتگو کرتے ہوئے کہا کہ ق لیگ کے تمام 10 ممبران پرویز الہیٰ کے ساتھ ہیں، حسنین بہادر دریشک کی مس انڈر سٹیندنگ کی وجہ سے پرویز الہیٰ ناراض ہیں۔سبطین خان نے کہا ہم نے لکھ کر دیا کہ 11جنوری تک اسمبلیاں تحلیل نہیں کریں گے۔
ان کا کہنا تھا کہ اب یہ فیصلہ ہوگا کہ 11جنوری سے پہلے یا بعد میں اعتماد کا ووٹ لیں۔جاری سیشن میں ہی پرویز الہیٰ اعتماد کا ووٹ لے لیں گے۔گورنر صاحب 18 گھنٹے میں اعتماد کے ووٹ لینے کا کہہ رہے تھے۔ہمارے لوگوں نے لکھ کر دیا کہ وہ باہر جا رہے ہیں، کوئی بیماری ہے، استعفے آئے تو میں آدھے گھنٹے میں قبول کروں گا۔
