راولپنڈی: سربراہ عوامی مسلم لیگ شیخ رشید نے کہا ہے کہ اسلام آباد میں الیکشن جب بھی ہوا 13پارٹیوں کےخلاف ریفرنڈم ہوگا،نئے سال ایم کیو ایم ایک اور باپ پارٹی نیک ہوجائے گی ۔
ایک ٹویٹ میں ا نہوں نے کہا کہ جو عوام کے ساتھ ہاتھ کرے گا وہ پچھتائے گا، 10 ماہ میں انہوں نے صرف اپنے کیسز ختم کروائے، غریب سے روٹی کا نوالہ بھی چھین لیا گیا، ٹیکنوکریٹ یا نگران حکومت ڈیفالٹ میں کیا کرے گی، ترسیلاتِ زر برآمدات اور سرمایہ کاری میں کمی، مہنگائی 30 فیصد بڑھ گئی، 10 جنوری تک 1.3 ارب ڈالر دینے ہیں ، 77 روز میں اسحاق ڈار کی جعلی منصوبہ بندی اور بلاول کے فضائی دورے سب ناکام ہوئے۔
انہوں نے کہاکہ عنقریب ان کے کیسوں کا اوراوورسیزووٹوں کا فیصلہ سپریم کورٹ کرے گی، معاشی سیاسی تباہی قومی سلامتی تک پہنچ گئی ۔
