کراچی : جمعیت علماء اسلام (ف) نے اپنی ہی اتحادی جماعت پر کراچی میں بلدیاتی الیکشن میں دھاندلی کا الزام عائد کردیا۔
جے یو آئی کراچی کے سینئر رہنما قاری عثمان نے میڈیا سے گفتگو کرتے ہوئے کہا کہ پیپلز پارٹی 24 جولائی سے الیکشن ملتوی کرواتے کرواتے 15 جنوری تک لے آئی، پولنگ اسٹیشنز پر عملے کو رات تک پہنچنا تھا جو نہیں پہنچا، بلدیاتی انتخابات میں 3، 3 گھنٹے کی تاخیر سے پولنگ کا عملہ پہنچا اور الیکشن شروع ہوا۔
انہوں نے کہا کہ پورے کیماڑی میں پہلے سے سب کچھ کیا ہوا ہے، یہ لوگ الیکشن دکھاوے کے لیے کر رہے ہیں،یونین کونسل 8 میں چیئرمین کا امیدوار دھاندلی کرتے پکڑا گیا، ماڑی پور یو سی 3 میں خواتین پولنگ اسٹیشن سے ٹھپے غائب ہیں۔
