گوادر: گوادر ائیرپورٹ کو آپریشنل کرنے کی تیاریاں شروع کر دی گئیں ۔
بلوچستان کے ساحلی اور سی پیک منصوبے کے سب سے اہم شہر گوادر میں زیر تعمیر ملک کے جدید ترین ائیرپورٹ کے تعمیر کے حوالے سے اہم پیش رفت ہوئی ہے۔ میڈیا رپورٹس کے مطابق 230ملین ڈالرز کے میگا پروجیکٹ گوادر انٹرنیشنل ایئرپورٹ پر تعمیراتی کام جاری ہے۔
مرکزی ٹرمینل کی عمارت کا 4 ہزار 600 ٹن اسٹیل ڈھانچہ مکمل کرلیا گیا ہے، جبکہ چھت اور اندرونی حصے کی تعمیر اور الیکٹرو میکنیکل آلات کی تنصیب کا کام جاری ہے۔
بتایا گیا ہے کہ نیو گوادر انٹرنیشنل ایئرپورٹ نے اپنا نیا تعمیری معیار حاصل کرلیا، کثیر سطح کا 55 فیصد کام مکمل ہوچکا، ائیرپورٹ پر 60 روز میں آزمائشی پرواز کا آغاز ہوجائے گا۔
