کراچی: وزیراعلیٰ سندھ سید مراد علی شاہ کوگذشتہ 24 گھنٹوں کے دوران جرائم کی روک تھام کے حوالے سے کیے جانے والے اقدامات پر ایڈیشنل آئی جی کراچی جاوید اوڈھو نے اپنی رپورٹ پیش کی ۔ وزیراعلیٰ سندھ کو بتایا گیا کہ گزشتہ 24 گھنٹوں کے دوران شہر بھر میں127 اسٹریٹ کرائم کی وارداتیں رپورٹ ہوئیں جن میں45 موبائل،نقدی چھیننے،7 کار لفٹنگ ، 9وٹرسائیکلیں چھیننے اور 66 چوری ہونےکی وارداتیں شامل ہیں۔
رپورٹ میں بتایا گیا کہ مزاحمت کے دوران طالب ولد سجن نامی ایک شخص زخمی ہوا ۔و زیراعلیٰ سندھ کو بتایا گیا کہ پولیس مقابلے میں ایک مجرم زخمی حالت میں گرفتار کیاگیاجبکہ 12 اسٹریٹ کرمنلز ،چوروں کو رنگے ہاتھوں گرفتار کیا گیا۔رپورٹ میں بتایا گیا کہ مجموعی طورپر 151 ملزمان کی گرفتاری عمل میں لائی گئی ۔
45 اسٹریٹ کرمنلز ،ڈاکو،27 کار لفٹر، 2 قاتل، 28 غیر قانونی اسلحہ رکھنے پر، 25 منشیات فروش، سپلائیر جبکہ24 دیگر جرائم میں ملوث افراد گرفتار کیے گئے۔
برآمدگی کے حوالے سے وزیراعلیٰ سندھ کو بتایاگیا کہ پولیس نے مختلف چھاپوں ،کارروائیوں کے دوران 39 غیر قانونی اسلحہ ، 12 کلو گرام چرس ، 41 چوری کے موبائل ،29 مسروقہ گاڑیاں جن میں 3 کار اور 26 موٹر سائیکل شامل ہیں، کو برآمد کیا ۔
