Notice: Function _load_textdomain_just_in_time was called incorrectly. Translation loading for the wordpress-seo domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/zarayeco/public_html/wp-includes/functions.php on line 6114
پی آئی اے طیاروں کا رنگ اور دم کا ڈائزئن پھر تبدیل کرنے کی شفارش تیار ! |

پی آئی اے طیاروں کا رنگ اور دم کا ڈائزئن پھر تبدیل کرنے کی شفارش تیار !

کراچی:قومی ایئر لائن( پی آئی اے) کے طیاروں پر موجود کلر اسکیم اور دم کا ڈیزائن ایک بار پھر تبدیل کرنے کی سفارش تیار کرلی گئی ہے۔پی آئی اے انتظامیہ کی جانب سے مختلف ڈیزائن اور کلر اسکیم پر مبنی سفارشات بورڈ آف ڈائریکٹرز کو پیش کی گئی ہیں۔

بورڈ ارکان نے کلر اسکیم تبدیلی کی صورت میں اخراجات کی تفصیلات بھی طلب کرلیں۔کلر اسکیم کی تبدیلی مقامی اور غیر ملکی ماہرین سے کرانے کی صورت میں بھی تخمینہ طلب کیا گیا ہے۔

اس سے قبل پی آئی اے کے طیاروں کی دم پر مارخور کی تصویر اور نئی بلیو کلر اسکیم 2018 میں متعارف کرائی گئی تھی۔ تاہم عوامی دبا پر اس کلر اسکیم کو ختم اور موجودہ کلر اسکیم کو بحال کیا گیا تھا۔بورڈ کی جانب سے پیش سفارشات واپس کر کے مزید ڈیزائن اور اسکیم پیش کرنے کی ہدایت کی گئی ہے۔ انتظامیہ نے طیاروں کا رنگ سفید اور باڈی پر موجود ہری پٹی ختم رکھنے کی تجویز پیش کی تھی۔

طیاروں کی دم پر موجود پاکستانی پرچم کے نیچے موجود بیچ کلر کی پٹی کے خاتمے کی تجویز بھی دی گئی ہے۔ بورڈ ارکان نے طیاروں پر لازمی طور پر پاکستان لکھوانے سمیت دیگر تجاویز لانے کی ہدایت بھی جاری کردیں۔