کراچی: کورنگی ، لانڈھی ، ملیر ار قائد آباد کا بدنصیب علاقہ ، سڑکیں اوراندرونی گلیاں 35 برس بعد بھی پختہ نہیں کی گئی ہیں۔
بیشتر علاقوں میں فر اہمی و نکاسی آب کا نظام تباہی سے دوچارہونے سے کہیں سڑکیں گٹر لائنیں بن گئیں۔
کہیں کچرا کنڈی بن گئی ہیں،2 برس پہلے بارش سے ادھڑنے والی مرکزی سڑکوں کی مرمت کاضلعی انتظامیہ اوربلدیاتی عملے اور سندھ حکومت کو خیال آیا نہ کے ایم سی متحرک ہوئی۔
ان علاقوں کے مکینوں کا کہنا ہے کہ سرکاری بے حسی کا یہ عالم ہے کہ 35 برس سے بلدیہ کے ایم سی اورضلعی انتظامیہ کورنگی یا سندھ حکومت کی طرف سے رابطہ سڑکوں کی تعمیرکی گئی ہے نہ علاقے کی اندرونی گلیاں پختہ کرنے کے لیے کوئی اقدامات کیے گئے،پوراعلاقہ کھنڈرات کا منظر پیش کررہا ہے اورعلاقہ مکین کھنڈر بنی سڑکوں پر رینگنے پر مجبورہیں۔
