ایم اے جناح روڈ سے غیر رجسٹرڈ انجکشن، دوائیں برآمد

کراچی:ایف آئی اے اینٹی کرپشن سرکل نے ڈرگ ریگولیٹری اتھارٹی کے ساتھ کارروائی کے دوران غیر رجسٹرڈ انجکشن اور ادویات تحویل میں لے لیں۔

ترجمان ایف آئی اے کے مطابق کارروائی ایم اے جناح روڈ پر واقع امان ٹریڈر پر کی گئی، دواوں کے نمونے لیب ٹیسٹنگ کیلئے قبضے میں لئے گئے، ملازمین دوا کی قیمتیں، زائد المیعاد تاریخ اور بیج نمبر تبدیل کر کے دوبارہ پیکنگ کرنے میں مصروف تھے۔

امان ٹریڈر کے مالکان سہیل احمد اور ذیشان کے خلاف ڈرگ ایکٹ کے تحت مقدمہ درج کر لیا گیا۔