ریاض : سعودی عرب، سعودی گرین انیشیٹو منصوبے کے تحت ملک میں 2030 تک سالانہ 5 لاکھ الیکٹرک کاریں تیار کرے گا، جس کا مقصد گرین ہاؤس گیسوں کے اخراج کو کم کرنا ہے۔
سعودی گرین انیشی ایٹو نے اپنے ٹوئٹر ہینڈل پر بتایا ہے کہ یہ منصوبہ ملک میں فضائی آلودگی کم کرنے، پائیداری کی کوششوں کے فروغ، اور گرین ہاؤس گیسوں کے اخراج کو کم کرنے میں معاون ہوگا۔
سعودی گرین انیشیٹو کا ہدف 2030 تک سالانہ 278 ملین ٹن کاربن کے اخراج کو کم کرنا ہے۔سعودی عرب 2030 تک اپنی 50 فیصد برقی توانائی قابل تجدید ذرائع سے پیدا کرنے کے لیے بھی پرعزم ہے۔
