کراچی: پاکستان کے سابق کپتان یونس خان کی جانب سے اداکار محب مرزا سے لائیو شو میں نامناسب رویہ اختیار کرنے پر سوشل میڈیا صارفین یونس خان کو تنقید کا نشانہ بنارہے ہیں۔
کچھ روز قبل پاکستان سپر لیگ میں پشاور زلمی اور ملتان سلطانز کے درمیان میچ ہوا جس میں پشاور زلمی نے 243 کا ٹارگٹ دیا، جواب میں ملتان سلطانز نے ہدف 19.1 اوور میں حاصل کرلیا۔
محب مرزا نے ان کے کاندھے پر ہاتھ رکھا اور کہا مان لیں بولنگ فارغ تھی ۔ یونس نے کہا بولنگ فارغ نہیں ہوتی، پی ایس ایل میں تمام بولرز ورلڈ کلاس ہیں ،محب سے پوچھیں وہ کون سے بولرز ہیں جو فارغ ہیں؟ جواب میں اداکار نے کہا میں عوام ہوں، میں ٹیکنیکل بات نہیں کروں گا۔سابق کرکٹر نے کہا پھر جب میں نے ٹیکنیکل بات کی تو آپ نے مجھے کندھے پر ہاتھ رکھ کر روکا کیوں؟ محب نے کہا میں نے مذاق کیا تھا۔
یونس خان نے گفتگو کے دوران محب کو تنبیہ کی کہ آئندہ جب کبھی آپ کسی سینئر کھلاڑی کے پاس بیٹھے ہوں اور وہ بات کررہے ہوں تو ایسے کندے پر ہاتھ نہیں رکھنا ورنہ کان کے نیچے لگ جاتی ہے ۔سابق کپتان کو انکے رویہ پر سوشل میڈیا پر خوب تنقید کا نشانہ بنایا جا رہا ہے ۔
اداکارہ منشا پاشا نے انسٹاگرام سٹوری پر کہا کہ اگر آپ چاہتے ہیں کہ دنیا آپ کے کام، ملک اور آپ کی عزت کرے تو پہلے ایک دوسرے کی عزت کرنا سیکھیں ۔
