کراچی: سابق کپتان قومی کرکٹ ٹیم شاہد آفریدی نے بھارتی وزیراعظم نریندر مودی سے درخواست کرتے ہوئے کہا ہے دونوں ملکوں کے درمیان کرکٹ کو چلنے دیں۔
قطر میں لیجنڈز لیگ کرکٹ میں شرکت کے دوران بھارتی صحافی نےدونوں ملکوں کے درمیان کرکٹ سے متعلق سوال پوچھاتو شاہد آفریدی کا کہنا تھا نریندر مودی سے درخواست کروں گا کہ دونوں ملکوں کے تعلقات کو بڑھنے دیں، کرکٹ کو چلنے دیں تاکہ ہم انجوائے کرسکیں۔
انہوں نے کہاکہ میری ہمیشہ سے خواہش ہے پاکستان اور بھارت کے درمیان کرکٹ ہو، پاکستان اور بھارت ہمسایہ ملک ہیں،دونوں کے درمیان رابطے اور تعلقات ہونے چاہئیں۔
شاہد آفریدی نے کہاکہ جب ان معاملات میں سیاست کو بیچ میں لایا جائے تو مسائل پیدا ہوتے ہیں۔
