نیو کراچی صنعتی ایریا کی 2 فیکٹریوں میں آتشزدگی

کراچی : نیو کراچی انڈسٹریل ایریا میں واقع 2 فیکٹریوں میں آگ لگ گئی۔

فائر بریگیڈ حکام کے مطابق 10 فائر ٹینڈر دونوں فیکٹریوں میں لگی آگ پر قابو پانے میں مصروف ہیں۔

فائر بریگیڈ حکام کے مطابق ایک فیکٹری میں کپڑے کا گودام ہے، جبکہ دوسری فیکٹری میں موٹر سائیکلوں کے اسپیئر پارٹس بنتے ہیں۔

واٹر بورڈ کی جانب سے آگ بجھانے کے لیے فائر بریگیڈ کو واٹر ٹینکر بھی فراہم کیے جا رہے ہیں۔

فائر بریگیڈ حکام نے یہ بھی بتایا ہے کہ دونوں فیکٹریوں میں لگنے والی آگ کے باعث کوئی جانی نقصان نہیں ہوا ہے۔