راولپنڈی : جنوبی وزیرستان میں سکیورٹی فورسزکیساتھ جھڑپ میں 8دہشتگردہلاک ہوگئے.
فائرنگ کے تبادلے میں 2جوان شہیدہو گئے۔آئی ایس پی آرکے مطابق سکیورٹی فورسزنے جنوبی وزیرستان کے علاقے زرمیلان میں خفیہ اطلاعات پرآپریشن کیا.
سکیورٹی فورسزاوردہشتگردوں کے درمیان شدیدفائرنگ کاتبادلہ ہوا،فائرنگ کے تبادلے میں 8دہشتگردمارے گئے،دہشتگردوں کیساتھ مقابلے میں پاک فوج کے دوجوان بھی جام شہادت نوش کرگئے۔
آئی ایس پی آرکے مطابق ہلاک دہشتگردوں سے اسلحہ اورگولیاں برآمدکرلی گئیں،مارے جانیوالے دہشتگردفورسزکیخلاف کارروائیوں اورشہریوں کے قتل میں ملوث تھے۔
شہیدہونیوالوں میں لانس نائیک شعیب علی اورسپاہی رفیع اللہ شامل ہیں،25سالہ لانس نائیک شعیب علی پاراچنااور 22سالہ سپاہی رفیع اللہ کاتعلق وزیرستان سے ہے۔
آئی ایس پی آرکے مطابق دہشتگردوں کے خاتمے کیلئے علاقے میں کلیئرنس آپریشن جاری ہے،سکیورٹی فورسزدہشت گردوں کے خاتمے کیلئے پرعزم ہیں،بہادر جوانوں کی قربانیاں ہمارے عزم کومضبوط بناتی ہیں۔
