کراچی: پاک فضائیہ نے سوڈان سے پاکستانیوں کے انخلا کا تیسرا مشن کامیابی کیساتھ مکمل کر لیا۔ پاک فضائیہ کا سی130 طیارہ سوڈان سے مزید 96 پھنسے ہوئے پاکستانیوں کو لیکر واپس کراچی پہنچ گیا جس سے تنازع زدہ علاقے سے ایئرلفٹ کیے جانے والےہم وطنوں کی تعداد 355 ہو گئی ۔
ایئر چیف مارشل ظہیر احمد بابر سدھو کی ہدایت پر پی اے ایف کا ٹرانسپورٹ جہازوں کا بیڑہ مکمل پیشہ ورانہ مہارت اور اپنے پاکستانی بھائیوں اور بہنوں کو فوری طور پر بحفاظت پہنچانے کے عزم سے لبریز انخلا کے مشنوں کو کامیابی سے انجام دے رہا ہے۔
پاک فضائیہ کے سوڈان سےپاکستانیوں کے انخلا کے کامیاب مشنوں کو حکومت پاکستان اور عوام نے بے حد سراہا ہے۔
