پاکستان میں تعینات آسٹریلوی ہائی کمشنر نے لاہور میں قائم جامع مسجد آسٹریلیا کا دورہ کیا ہے۔
انہوں نے سماجی رابطے کی سائٹ ایکس پر تصاویر شیئر کرتے ہوئے بتایا کہ ’میں نے لاہور میں قائم آسٹریلین مسجد کا دورہ کیا ہے، جہاں قائد اعظم محمد علی جناح اور علامہ اقبال نے بھی نماز ادا کی‘۔
نیل ہاکسن نے لکھا کہ ’یہ مسجد پاکستان اور آسٹریلیا کے ثقافتی تعلقات کی غمازی ہے‘۔
Real treat visiting #Lahore’s ‘Australian Masjid,’ where Jinnah & Iqbal prayed! This hidden gem tells the story of rich cultural exchange between ???????? & ????????. Named after founder Khwaja Bakhsh who went to Australia in the 1800s. Great to meet the teachers & students! #JummahMubarak! pic.twitter.com/bQgATVdhMO
— Neil Hawkins (@AusHCPak) September 15, 2023
انہوں نے مسجد کے حوالے سے بتایا کہ ’خواجہ بخش نامی بزرگ نے 1800 صدی میں آسٹریلیا کا دورہ کیا اور پھر مسجد کا نام آسٹریلیا رکھا‘۔
آسٹریلوی ہائی کمشنر نے بتایا کہ مجھے مسجد میں پڑھنے والے بچوں اور معلموں سے ملاقات کر کے بہت اچھا لگا۔
مسجد کا تاریخی حوالہ
لاہور کے ریلوے اسٹیشن پر 1925 میں یہ مسجد تعمیر کی گئی تھی، جو آج بھی قائم ہے اور یہاں بیک وقت ایک ہزار افراد کی نماز ادا کرنے کی گنجائش ہے۔ مسجد کا انتظام مقامی لوگوں کے پاس ہے اور یہاں مدرسہ بھی ہے جہاں دو شفٹوں میں پچاس سے زائد بچے دینی تعلیم حاصل کررہے ہیں۔
مقامی لوگوں کا کہنا ہے کہ انہوں نے اپنے بزرگوں سے سنا ہے کہ اس مسجد میں شاعر مشرق علامہ اقبال نے برصغیر کی تقسیم سے پہلے اور بعد میں کئی بار نماز ادا کی جبکہ قائد اعظم بھی یہاں نماز ادا کرچکے ہیں۔
