ایک تحقیق میں بتایا گیا ہے کہ وزن کم کرنے میں صبح کے وقت ورزش کرنا زیادہ مفید ثابت ہوتا ہے۔
اوبیسٹی ٹرسٹڈ سورس نامی سائنسی جریدے میں شائع ہونے تحقیقی مطالعے کے مطابق موٹاپے سے نجات اور وزن میں کمی کے لیے جو لوگ صبح کے وقت ورزش کرتے ہیں انہیں دیگر افراد کے لیے مقابلے میں زیادہ مثبت نتائج حاصل ہوتے ہیں۔
تحقیقی مطالعے کے مطابق موٹاپے کا شکار جو افراد صبح 7 سے 9 بجے کے درمیان ورزش کرتے ہیں ان کے وزن میں کمی کا ہدف زیادہ جلدی حاصل ہوجاتا ہے۔
محققین نے اپنے تحقیقی مطالعے کے دوران یہ مشاہدہ کیا کہ جو لوگ صبح کے وقت ورزش کررہے تھے ان کی کمر اور باڈی ماس انڈیکس ( بی ایم آئی ) سہ پہر اور شام کے وقت میں ورش کرنے والے لوگوں کے مقابلے میں زیادہ کم ہوا۔
اپنے مشاہداتی تحقیقی مطالعے سے ماہرین نے یہ نتیجہ اخذ کیا کہ صبح کے وقت کی گئی ورزش دن کے دیگر اوقات میں کی گئی ورزش کی نسبت زیادہ بہتر نتائج کی حامل ہوتی ہے۔
وزن کم کرنے کے خواہش مند بہت سے افراد ورزش کی باقاعدگی، طوالت اور زیادہ جوش و خروش کے ساتھ ورزش پر توجہ دیتے ہیں ، تاہم نئی تحقیق کے مطابق اب انہیں ورزش کے لیے وقت کے انتخاب پر بھی توجہ دینی ہوگی۔
