ہتھیاروں کے نظام’’ ابابیل‘‘ کا کامیاب تجربہ

اسلام آباد،راولپنڈی: پاکستان نے بدھ کو ہتھیاروں کے نظام ابابیل ویپن سسٹم کا کامیاب تجربہ کرلیا۔

آئی ایس پی آرکے مطابق میزائل سسٹم کے تجربے کا مقصد اپنے ڈیٹرنس کو مضبوط بنانا، ڈیزائن، تکنیکی پیرامیٹرز اور ہتھیاروں کے نظام کے مختلف ذیلی نظاموں کی کارکردگی کا جائزہ لینااور فل سپیکٹرم ڈیٹرنس کی آپریشنلائزیشن کے ذریعے خطے میں سٹریٹجک استحکام کو بڑھانا ہے۔

چیئرمین جوائنٹ چیفس آف سٹاف کمیٹی جنرل ساحر شمشاد مرزا، سٹریٹجک پلانز ڈویژن اور سٹریٹجک فورسز کمانڈ کے سینئر افسران،ا سٹریٹجک اداروں کے سائنسدانوں اور انجینئرز نے ابابیل ویپن سسٹم کے کامیاب تجربے کا مشاہدہ کیا۔

چیئرمین جوائنٹ چیفس آف ا سٹاف کمیٹی نے ابابیل ویپن سسٹم کامیاب تجربے میں تکنیکی صلاحیت، لگن اور عزم کو سراہا۔

صدرمملکت، وزیراعظم اور سروسز چیفس نے بھی ا بابیل ویپن سسٹم کامیاب تجربے پر ا سٹریٹجک فورسز کے تمام ارکان کو مبارکباد دی ہے۔

اپنا تبصرہ بھیجیں: