کراچی، سابق ڈی آئی جی کے گھر سے 20 لاکھ سے زائد مالیت کے طوطے چوری

کراچی: شہر قائد کے علاقے گلشن معمار میں قائم سابق ڈی آئی جی کے گھر سے 20 لاکھ روپے مالیت کے طوطے چوری ہوگئے۔

پولیس حکام کے مطابق ڈی آئی جی راجہ ممتاز نے گلشن معمار میں قائم اپنے گھر کی چھت پر طوطے پال رکھے تھے، جہاں چوروں نے پیر کی رات کارروائی کی اور تمام طوطے لے گئے۔

ڈی آئی جی کی طرف سے تھانے میں دی گئی درخواست میں دعویٰ کیا گیا ہے کہ ملزمان بیس لاکھ روپے سے زائد مالیت کے طوطے لے کر گئے ہیں۔

پولیس نے واقعے کی تصدیق کرتے ہوئے بتایا کہ واردات کے بعد ملزمان باآسانی فرار ہونے میں کامیاب ہوگئے تاہم وقوعہ سے شواہد اکھٹے کر کے انہیں گرفتار کرنے کی کوشش کی جارہی ہے۔

اپنا تبصرہ بھیجیں: