وزارتوں‌ میں‌ تبدیلیوں‌ پر بھی یوٹرن؟‌ اسد عمر وزیر برقرار ، نوٹی فکیشن جاری

وفاقی کابینہ میں گزشتہ روز بڑی تبدیلیاں اور ردوبدل ہوا تاہم اہم چیز یہ ہے کہ اس کا سلسلہ شروع کرنے والے اسد عمر تاحال وزیر ہیں۔

وزیراعظم عمران خان کی کابینہ میں گزشتہ روز بڑی تبدیلیوں کے باوجود مستعفی وزیرِ خزانہ اسد عمر اور وزیرِ صحت عامر محمود کیانی بدستور اپنے عہدوں پر ہیں۔

کابینہ ڈیویژن کی جانب سے عمران خان کی ہدایت پر ہونے والی وزارتوں میں تبدیلی سے متعلق نوٹی فکیشن جاری کیا گیا جس میں اسد عمر کو وزیر خزانہ اور عامر محمود کیانی کو اپنے عہدے پر برقرار دکھایا گیا ہے۔ وزار اور مشیران کی نئی فہرست کے مطابق گزشتہ روز اپنے عہدے سے استعفیٰ دینے والے وزیرِ خزانہ اسد عمر تاحال اپنے عہدے پر موجود ہیں جبکہ عامر محمود کیانی وزیر صحت کے عہدے پر برقرار ہیں۔ اسی طرح وزرا اور مشیران کی اس فہرست میں وزیراعظم کے معاون خصوصی برائے خزانہ عبدالحفیظ شیخ کا نام شامل نہیں ہے۔