اسلام آباد: ایم کیو ایم کے پہلے کنونیئر اور سابق مقتول رہنما ڈاکٹر عمران فاروق قتل کیس میں گرفتار ہونے والے ملزم معظم علی نے بڑا فیصلہ کرلیا جس کے بعد امکان ظاہر کیا جارہا ہے کہ انہیں پیر17 جون یا اُس کے بعد کبھی بھی رہائی مل جائے گی۔
اطلاعات کے مطابق عمران فاروق قتل کیس میں گرفتار ملزم معظم علی نے اسلام آباد کی انسداد دہشت گردی عدالت میں اپنی درخواست ضمانت دائر کردی، عدالت نے درخواست کو قابل سماعت قرار دیتے ہوئے اسے پیر کے روز سننے کا فیصلہ کیا اور متعلقہ حکام کو 17 جون کو ہر صورت پیشی یقینی بنانے کی ہدایت کی۔
معظم علی نے اپنی درخواست مین مؤقف اختیار کیا کہ اُن کا ڈاکٹر عمران فاروق قتل کیس سے بلواسطہ یا بلاواسطہ کوئی تعلق نہیں جبکہ اداروں نے کئی سالوں سے حراست میں رکھا ہوا ہے، عدالت سے استدعا ہے کہ وہ فوری رہائی کا حکم دے۔
عمران فاروق قتل کیس میں بڑا موڑ، ایف آئی اے کی امیدوں پر پانی پھر گیا
واضح رہے کہ ایف آئی اے نے معظم علی کوعمران فاروق قتل کیس میں گرفتارکیاتھا،معظم علی چار سال سے عمران فاروق قتل کیس میں اڈیالہ جیل میں قید ہیں۔
