کراچی : ایم کیوایم پاکستان کے سربراہ خالد مقبول صدیقی کا کہنا ہے کہ حکومت کو فلسطین کے معاملے پر واضح موقف اختیار کرناچاہئے۔
خالد مقبول صدیقی نے کراچی میں پریس کانفرنس کے دوران کہا کہ مسلم حکمران ذاتی تنازعات کی وجہ سے آواز اٹھانے کے قابل نہیں، مسلم حکمران اس قابل نہیں کہ مسئلہ فلسطین کا دیرپا حل دے سکیں، فلسطین میں اس وقت ایک انسانی المیہ جنم لے چکا ہے، فلسطین کو صرف خطے کا معاملہ سمجھنا غلطی ہوگی، صرف یہی خطہ آگ کی لپیٹ میں نہیں ہے بلکہ یہ عالمی امن کےلئے خطرہ ہے۔
خالد مقبول صدیقی نے کہا کہ فلسطین کی صورتحال اقوام عالم کی کارکردگی پر سوالیہ نشان ہے۔انہوں نے مزید کہا کہ کراچی جغرافیائی لحاظ سے اہم اور منفرد حیثیت رکھتا ہے، عالم اسلام کراچی کے گرد رہتا ہے۔ ہمیں فلسطین کے لیے باہر نکل کر احتجاج کرنا ہوگا، جمعہ کی نماز کے بعد ہم فلسطین کے لیے ریلی نکالیں گے، صرف تعزیت اور مذمتی موقف سے کام نہیں چلے گا۔
کنوینر ایم کیوایم پاکستان خالد مقبول صدیقی نے ملک کی حالیہ سیاسی صورتحال پر بات کرتے ہوئے کہا کہ نگراں حکومت مکمل طور پی پی کی نگرانی میں کام کر رہی ہے۔
خالد مقبول صدیقی نے کہا کہ امن کو برباد کرنے کی کوشش کی جارہی ہے، پولیس کے ڈی ایس پیز اور افسران پیپلز پارٹی کی تنخواہ پر کام کر رہے ہیں،مسلم حکمران ذاتی تنازعات کی وجہ سے آواز اٹھانے کے قابل نہیں، مسلم حکمران اس قابل نہیں کہ مسئلہ فلسطین کا دیرپا حل دے سکیں، فلسطین میں اس وقت ایک انسانی المیہ جنم لے چکا ہے، فلسطین کو صرف خطے کا معاملہ سمجھنا غلطی ہوگی، صرف یہی خطہ آگ کی لپیٹ میں نہیں ہے بلکہ یہ عالمی امن کےلئے خطرہ ہے، کراچی جغرافیائی لحاظ سے اہم اور منفرد حیثیت رکھتا ہے، عالم اسلام کراچی کے گرد رہتا ہے۔ ہمیں فلسطین کے لیے باہر نکل کر احتجاج کرنا ہوگا، جمعہ کی نماز کے بعد ہم فلسطین کے لیے ریلی نکالیں گے، صرف تعزیت اور مذمتی موقف سے کام نہیں چلے گا۔